ABŞ Prezidenti Donald Tramp Federal Ehtiyat Sistemini (FED) faiz dərəcələrini 1 faiz və ya daha aşağı səviyyəyə endirməyə çağırıb.

Tramp “Truth Social” platformasında ABŞ iqtisadiyyatına dair paylaşımında ölkənin güclü kredit imkanlarına malik olduğunu və yeni investisiyaların iqtisadi artımı sürətləndirdiyini bildirib.

O, ABŞ-ın ticarət kəsirinin də iqtisadi gündəmdə mühüm məsələ olduğunu qeyd edib.

“ABŞ üçün faiz dərəcələrini tez bir zamanda aşağı salın”, - Tramp yazıb.

Qeyd edək ki, FED sentyabrın 16-da faiz dərəcəsini 25 baza bəndi artıraraq 3,75–4 faiz aralığına yüksəldib. FED qərarında inflyasiyanın hələ də yüksək olaraq qaldığını və faiz artımının qiymət sabitliyinin təmin olunmasına xidmət etdiyini bildirib.