Kadırov Çeçenistan rəhbəri seçkisində 99,85 faiz səs toplayıb

Çeçenistan Respublikasının hazırkı rəhbəri Ramzan Kadırov region rəhbərinin seçkisində qalib gəlib.

Mərkəzi Seçki Komissiyasının məlumatına görə, bütün seçki protokolları – 100 faiz – işləndikdən sonra Kadırov 99,85 faiz səs toplayıb. Digər iki namizəd – «Ədalətli Rusiya» partiyasından İsmail Denilxanov və Rusiya Kommunist Partiyasından Xalid Nakayev – hərəyə 0,05 faiz səs qazanıb.