Rusiya xarici işlər naziri Sergey Lavrov erməni həmkarı Ararat Mirzoyanı Ermənistanın Müstəqillik Günü münasibətilə təbrik edib.

Rusiya XİN-in saytında dərc olunan təbrik teleqramında Lavrov Rusiya-Ermənistan münasibətlərinin hərtərəfli inkişaf etdirilməsinin iki ölkə xalqlarının qarşılıqlı maraqlarına cavab verdiyini bildirib.

“Əminəm ki, Rusiya-Ermənistan hərtərəfli əməkdaşlığının, o cümlədən iki ölkənin xarici siyasət idarələri arasında fəal dialoqun qorunub saxlanılması xalqlarımızın qarşılıqlı maraqlarına cavab verir”, – deyə Lavrov qeyd edib.

Qeyd edək ki, Ermənistan Müstəqillik Gününü hər il sentyabrın 21-də qeyd edir.