Türkiyə Prezidenti Rəcəb Tayyib Ərdoğan BMT Təhlükəsizlik Şurasında islahatların aparılmasının vacibliyini bildirib.

Ərdoğan “Bloomberg” üçün yazdığı məqaləsində BMT TŞ-də veto hüququnun ləğv edilməsini təklif edib.

Onun təkliflərinə TŞ-də daimi üzvlük institutunun ləğvi və Baş Assambleyanın səlahiyyətlərinin artırılması da daxildir.

Ərdoğan hesab edir ki, TŞ-də imtiyazlı üzvlərin sayının artırılması mövcud problemin həlli deyil.

“İslahat eyni imtiyazın digər dövlətlərə verilməsi demək deyil”, - deyə Türkiyə Prezidenti bildirib.

Ərdoğan TŞ-də daimi üzvlərin olmamasını, dövlətlərin isə Baş Assambleya tərəfindən müəyyən müddətə və rotasiya prinsipi ilə seçilməsini təklif edib.

Türkiyə lideri Ankaranın “Dünya beşdən böyükdür” prinsipini də bir daha gündəmə gətirib.