İran Prezidenti ABŞ ilə danışıqların şərtlərini açıqlayıb

İran Prezidenti Məsud Pezeşkian ABŞ Prezidenti Donald Trampla üz-üzə görüşməyin onun üçün çətin olacağını bildirib.

Pezeşkian “CBS News”un “Face the Nation with Margaret Brennan” proqramına müsahibəsində ABŞ və İran arasında etimadsızlıq mühitinin hökm sürdüyünü söyləyib.

O qeyd edib ki, ABŞ-nin İrana qarşı sanksiya və təhdidləri davam etdirdiyi bir şəraitdə Vaşinqtona etibar etmək çətindir.

İran Prezidenti həmçinin vurğulayıb ki, tərəflər arasında danışıqların başlaması üçün əvvəlcə ABŞ-nin hansı məsələlər üzrə razılığa gəlmək istədiyi aydın olmalıdır.