Niderland Ukraynada hərbi təlim infrastrukturunun inkişafına 10 milyon avro vəsait ayıracaq. Bu barədə ölkənin müdafiə naziri Dilan Yeşilgöz-Zegerius bildirib.

Nazir Brüsseldə Avropa İttifaqına üzv ölkələrin müdafiə qurumlarının rəhbərlərinin görüşünə gələrkən jurnalistlərə açıqlamasında bildirib ki, ayrılan vəsait Ukraynada hərbi təlim obyektlərinin genişləndirilməsinə yönəldiləcək.

Onun sözlərinə görə, əlavə maliyyələşdirmə daha çox sayda ukraynalı hərbçinin hazırlıq keçməsinə imkan verəcək.

Nazir qeyd edib ki, Niderland müttəfiqləri ilə birlikdə indiyədək Ukrayna Silahlı Qüvvələrinin təxminən 100 min hərbçi və zabitinin hazırlanmasında iştirak edib. Bu təlimlərə Avropa İttifaqının Ukrayna üzrə EUMAM təlim missiyası çərçivəsində həyata keçirilən hazırlıq proqramları da daxildir.

Rusiya Xarici İşlər Nazirliyinin rəsmi nümayəndəsi Mariya Zaxarova isə daha əvvəl dəfələrlə bildirib ki, Qərbin Kiyevə yardımı döyüşlərin gedişinə təsir göstərə biləcək “panaseya” deyil. O, həmçinin Qərb tərəfindən Ukraynaya göndərilən silahların Rusiya Silahlı Qüvvələri tərəfindən məhv ediləcəyini iddia edib.