Tanzaniya son 10 ildə ilk dəfə yeni təbii qaz ehtiyatları aşkarlayıb

Tanzaniya son on ildən artıq müddətdə ilk dəfə yeni təbii qaz ehtiyatları aşkarlayıb. Ölkənin cənubunda yerləşən Mნazi-Bey körfəzi ərazisində təxminən 223 milyard kubfut təbii qaz ehtiyatı müəyyən edilib.

Bu barədə ölkənin energetika naziri Cuma Homera oktyabrın 27-də məlumat verib. Reuters agentliyinin xəbərinə görə, yataq dövlətə məxsus Tanzaniya Neft Korporasiyası (TPDC) və Fransanın Maurel & Prom neft-qaz şirkətinin birgə apardığı kəşfiyyat işləri zamanı aşkarlanıb.

Məlumata əsasən, şirkətlər MB-5, MS-2 və Kasa-1X ST2 quyularında qazma işləri həyata keçiriblər. Yeni yatağın istismarı ölkənin daxili bazarında təbii qaz təklifinin artırılmasına imkan verə bilər.

Maurel & Prom şirkəti daha əvvəl yeni sahədə qaz hasilatına noyabr ayında başlanmasının mümkün olduğunu açıqlayıb.