İranın ali rəhbəri Müctəba Xamenei ölkənin silahlı qüvvələrinə zərurət yarandığı təqdirdə coğrafi məhdudiyyət olmadan əməliyyatlar həyata keçirmək hüququ verib. Bu barədə İslam İnqilabı Keşikçiləri Korpusunun (SEPAH) komandanının baş müşaviri Məhəmmədrza Nəqdi açıqlama verib.

Onun sözlərinə görə, müvafiq sərəncam İran hərbçilərinə mümkün düşmən addımlarına cavab vermək üçün geniş fəaliyyət azadlığı yaradır.

“Düşmən ən kiçik bir səhvə yol verərsə, silahlı qüvvələrimiz zəruri hesab etdikləri dünyanın istənilən nöqtəsində adekvat cavab verə biləcəklər”, – deyə Nəqdi vurğulayıb.