BƏƏ-nin Əl-Füceyrə əmirliyində baş vermiş zəncirvari yol-nəqliyyat hadisəsində ən azı 14 nəfər ölüb, 30 nəfər xəsarət alıb.

Bu barədə BƏƏ-nin Daxili İşlər Nazirliyi məlumat yayıb.

Məlumata görə, qəzada ümumilikdə 23 nəqliyyat vasitəsi - 18 avtomobil və 5 yük maşını iştirak edib.

Yanğın-xilasetmə briqadaları və tibb işçiləri qəzanın fəsadlarının aradan qaldırılması və zərərçəkənlərə yardım göstərilməsi üçün hadisə yerindədir.

Hüquq-mühafizə orqanları hadisə ilə bağlı araşdırmanı davam etdirir.