NATO-ya üzv ölkələrin xarici işlər nazirlərinin növbəti görüşü dekabrın 2-də Belçikanın paytaxtı Brüsseldə, alyansın mənzil-qərargahında keçiriləcək.

Bu barədə NATO-nun mətbuat xidmətinin yaydığı məlumatda bildirilib.

Qeyd olunub ki, müttəfiq ölkələrin xarici işlər nazirləri 2026-cı il dekabrın 2-də alyansın Brüsseldəki mənzil-qərargahında bir araya gələcəklər.

Görüşə NATO-nun baş katibi Mark Rütte sədrlik edəcək. O, toplantıdan əvvəl mətbuat nümayəndələri üçün brifinq də keçirəcək.

Nazirlərin müzakirə edəcəyi rəsmi gündəlik hələ açıqlanmayıb. Bununla belə, KİV-in məlumatına görə, görüşdə Ukraynaya silah tədarükü, Avropada silah istehsalının genişləndirilməsi və Rusiyanın hərbi baxımdan çəkindirilməsinə dair planlar əsas müzakirə mövzuları olacaq.