Bolqarıstanın “Botev” futbol klubunun prezidenti İliyan Filipov silahlı hücum nəticəsində dünyasını dəyişib.

Hadisə ötən gecə baş verib. Yerli mənbələrin məlumatına görə, Filipova atəş açılıb və o, baş nahiyəsindən aldığı ağır xəsarətlərdən ölüb.

Hazırda hüquq-mühafizə orqanları faktla bağlı araşdırma aparır. Hadisənin təfərrüatları, eləcə də hücumun mümkün səbəbləri müəyyənləşdirilir.

İliyan Filipovun ölümü klub rəhbərliyi, futbolçular və azarkeşlər arasında böyük kədər yaradıb.