Azadmedia.az TASS-a istinadən xəbər verir ki, İlon Mask ona məxsus Tesla şirkətinin yaratdığı Cybercab robot taksisini təqdim edib.
Təqdimat Warner Bros. studiyasında keçirilib. Kaliforniya ştatında yayım Tesla şirkətinin X in səhifəsində (keçmiş Twitter) aparılıb.

Maskın sözlərinə görə, artıq azı 50 tam avtonom elektrik avtomobili var ki, onlar hətta sürücü üçün idarəetmə mexanizmləri ilə də təchiz olunmayıb, çünki sərnişinlərin daşınmasının tam avtonom şəkildə həyata keçiriləcəyi ehtimal edilir.
Maskın sözlərinə görə, sahibkarlar üçün bir robot taksinin qiyməti 30 min dollar təşkil edəcək, xidmətin istifadəçiləri isə bir mil səyahət üçün təxminən 30-40 sent ödəyəcəklər.

Mask robot taksi layihəsini avqust ayında təqdim edəcəyinə söz vermişdi, lakin təqdimatdan təxminən bir ay əvvəl o, şirkətin elektrik avtomobilini tamamlamaq üçün bir az daha vaxta ehtiyacı olacağını bildirmişdi.