Harvard Tibb Məktəbindən və digər elmi qurumlardan olan amerikalı genetiklər, elastik plastikdən hazırlanan ümumi kimyəvi maddənin heyvanların reproduktiv hüceyrələrinə güclü mənfi təsir göstərə biləcəyini aşkar etdilər. Tədqiqat PLOS Genetics elmi jurnalında dərc olunub.

Söhbət PVC və digər polimer materialların tərkib hissəsi olan benzilbutil ftalatdan (BBF) gedir. BF geniş istifadə olunurdu və bəzi hallarda hələ də vinil döşəmə örtükləri, mebel, gimnastika topları, uşaq oyuncaqları və digər məhsullarda istifadə olunur.

Tədqiqatçılar 1, 10, 100 və 500 mikrometr həcmində dəyirmi qurdları BBF-yə məruz qoydular, maddənin kütləvi spektrometriya və RNT ardıcıllığı ilə heyvanların cinsi hüceyrələrinə təsirini öyrəndilər.

Nəticədə, onurğasız hüceyrələrdə artan miqdarda DNT-nin qoşa zəncirli qırılmaları meydana gəldi. Meyozun (xromosomların azalması ilə hüceyrə bölünməsi) qüsurları da müşahidə edildi, nüvələr çox erkən formalaşdı. Xromosomların bölünməsi qeyri-dəqiq oldu, bu da nəslin anormal miqdarda xromosomlara sahib olmasına səbəb ola bilər.

Tədqiqatlar göstərir ki, BBF oksidləşdirici stressə səbəb olur, bu müddət ərzində bədənin antioksidan qalxanı yüksək reaktiv toksini neytrallaşdıra bilmir.

Nəticədə toksin bədənin hüceyrələrinə zərər verə bilər. Yumurta və spermanın əmələ gəldiyi cinsi vəzilərdə bunun gələcək nəsil üçün çox ciddi nəticələri ola bilər.
Tərcümə etdi: Elnurə Abuşova