Sosioloq və futuroloq Mark Makrindlin fikrincə, 2025-2039-cu illərdə doğulacaq uşaqlar “beta nəslinin nümayəndələri olacaq”.

Bu nəsil “alfa nəsli”ni, yəni 2010-2024-cü il təvəllüdlü insanları izləyir. Qeyd edildiyi kimi, “beta nəsli”nin nümayəndələri “iqlim dəyişiklikləri, qlobal demoqrafik dəyişikliklər və sürətli urbanizasiya” daxil olmaqla, ciddi çağırışlarla mübarizənin əhatə etdiyi dünyanı miras alacaqlar.

McCrindle hesab edir ki, beta nəsli süni intellekt və avtomatlaşdırmanın gündəlik həyata tam inteqrasiya olunacağı bir dövrdə yaşayacaq - təhsil və işdən səhiyyə və əyləncə sənayesinə qədər.

Onun proqnozlarına görə, 2035-ci ilə qədər “beta nəsli” dünya əhalisinin 16%-ni təşkil edəcək.