ABŞ prezidenti Donald Trampın həbsxana fotosu Ağ Evdəki Oval kabinetin yaxınlığındakı dəhlizdə asılıb. Bu barədə “Newsweek” jurnalı məlumat yayıb.
Qeyd olunur ki, foto ilk dəfə cümə axşamı Amerika prezidentinin Ağ Evdə Hindistanın baş naziri Narendra Modi ilə görüşü zamanı görülüb.
14 avqust 2023-cü ildə Gürcüstanda böyük münsiflər heyəti 2020-ci il seçkilərinə müdaxilə işində Trampı, onun bəzi vəkillərini, köməkçilərini, təşviqat işçilərini və yerli Respublikaçılar Partiyasının rəsmilərini ittiham etdi.
2023-cü il avqustun 24-də Tramp seçkiyə müdaxilə işi ilə əlaqədar Fulton qraflığının həbsxanasında rəsmi həbs prosedurundan keçdi. Trump həbsdən azad edildi, bundan sonra X-də mavi kostyum, ağ köynək və qırmızı qalstukda həbsxana şəkli ilə bir paylaşım etdi. Şəkil “heç vaxt təslim olma” və “seçkilərə müdaxilə” yazıları ilə müşayiət olunur. Şəkil tarixi oldu, çünki ABŞ-ın heç bir keçmiş və indiki prezidenti əvvəllər həbsxanada foto çəkdirməmişdi.