Kanadanın MakGill Universitetinin alimləri müəyyən ediblər ki, istixana qazlarının davamlı emissiyaları səbəbindən dəniz səviyyəsinin qalxması sahilyanı şəhərlərin məhvinə səbəb ola bilər. Bu barədə Urban Sustainability jurnalının saytında məlumat verilir.

Tədqiqatçıların fikrincə, daşqın riskinin artdığı zonada Cənub-Şərqi Asiya, Cənubi və Mərkəzi Amerika, eləcə də Afrikada yaşayış məntəqələri var. Sahildəki 840 milyon binadan 136 milyonu 2100-cü ilə qədər dəniz səviyyəsinin 20 metr qalxması nəticəsində zədələnə bilər.

Binaların əksəriyyəti əhalinin sıx məskunlaşdığı ovalıq ərazilərdə yerləşir. Araşdırmada deyilir ki, limanlar, infrastruktur və mədəni irs obyektləri təhlükə altındadır.

Bundan əvvəl REA Şirşov adına Okeanologiya İnstitutunun Sahilboyu İcmaların Ekologiyası Laboratoriyasının aparıcı elmi işçisi Filip Sapojnikov bildirmişdi ki, Azov, Rostov-na-Donu şəhərinin cənub hissəsi, Kerçin sahilyanı hissəsi, Sankt-Peterburqun sahilyanı əraziləri və Kronstadtın bir hissəsi iqlimin istiləşməsi və daşqınlara səbəb ola bilər.