Qoç - xoş ünsiyyət zamanıdır. Dostlar və ya tərəfdaşlarla birlikdə yeni layihəni həyata keçirmək olar. Təşəbbüskar olun, yaxşı ideyalarınızdan yararlanın. Yeni müttəfiq tapmaq və ya rəğbət bəslədiyiniz insanı işə cəlb etmək şansları var.

Kiçik səfərlər pis alınmayacaq. Uzun səyahətə hazırlaşmaq mümkündür.

Alış-verişdə qeyri-adi, orijinal əşyalar almaq, ekstravaqant aksessuar və bəzəklərə yiyələnmək mümkündür. Axşam saatlarına yaxın danışıqlar baş tutacaq.

Münasibətləri bərpa etmək olar.

Buğa - çətinliklər və anlaşılmazlıqlar istisna deyil. Konstruktiv davranın, illüziyalara qapılmayın. Son həftələr sizi narahat edən problemlərin həlli üçün şanslar yaranır. Bunun üçün qeyri-standart qərarlar gərəkdir. Şablon düşünməyin. Eksperimentlər aparın. Çəkinmədən risk etmək olar. Bir şərtlə ki, risk məntiqi olmalıdır.

Birgə layihələrə qatılmaq olar. Dövlət qurumlarının nümayəndələri ilə təmaslarda diqqətli olun.

Axşam saatlarını aktiv istirahətə həsr edin.

Əkizlər - çətinlikləri dəf edin, qarşınıza qoyduğunuz məqsədlərə çatmaq üçün səylərinizi əsirgəməyin. İşlərdə əhəmiyyətli irəliləyiş ola bilər. Önəmli nəticələrə nail ola bilərsiniz. İdeyalar pis deyil. Yeni layihəni həyata keçirmək üçün müttəfiq və dostları işə cəlb etmək olar.

İşdə həmkarlarla münasibətləri qaydaya salın. Mühüm məsələ ilə bağlı rəhbərliklə təmasları normallaşdırın.

Romantik görüş pis olmayacaq. Rəğbət bəslədiyiniz insanla ünsiyyəti aktivləşdirmək üçün ilk addımı atın. Maraqlı insanla tanış ola bilərsiniz.

Axşam saatlarında gəzintiyə çıxmaqla yuxusuzluqdan qurtulmaq olar.

Xərçəng - bir işi yarımçıq qoyaraq başqasına başlamayın. Mühüm məsələləri həll olunmamış qoymayın. Bütün diqqəti işə yönəldin, fikrinizi yayındırmayın. Uğur şansınız artacaq. Kobud səhvlərə yol verməyin. Yanlışlıqların fəsadları ağır ola bilər.

Dəyər verdiyiniz insanlar sizi qıcıqlanlıra bilər. Hisslərinizi müəyyənləşdirin. Axşam saatlarında sakit, rahat istirahəti seçin. Bir qədər tək qalın. Qüvvələrinizi bərpa edin.

Şir - sakit, təmkinli, soyuqqanlı olun. Yaranan problemləri tələsik həll etməyə çalışmayın. Zərurəti anlayın, düşünülməmiş addımlar atmayın. Ağıllı və təcrübəli insanların məsləhətlərinə qulaq asın. Tələskənliyə yol verməyin, qüvvənizi dürüst paylaşdırın.

Ən yaxşı məcazlarınızı nümayiş etdirin. Yeni dostlar tapa bilərsiniz. Müttəfiqlərlə təmaslarda diqqətli olun. Romantik macəra istisna deyil. Qısamüddətli əlaqələrdə sayıq davranın.

Axşam saatlarında normal istirahət edin.

Qız - qətiyyətli, iradəli olun. Başladığınız işlərdə uğur əldə etməyə çalışın. Ünsiyyətdə səmimi olun. Dürüst və səmimi davranın. İşgüzar tərəfdaşlar və müttəfiqlərlə ünsiyyətdə əsas məsələni ikinci dərəcəli nüanslara qurban verməyin. İşdəki təmaslarda peşəkar nüansları ön plana çəkin.

Dəvət aldığınız tədbirlərə qatılın. Hadisələrin mərkəzində olacaqsınız. Yaşananları diqqətlə müşahidə edin. Ailədəki problemləri həll edəndə təmkinli davranın.

Maliyyə məsələlərini çözmək üçün əlverişli zaman deyil.


Tərəzi - uzun müddətdən bəri görmək istədiyiniz, amma vaxt tapmadığınız işləri başa vurmaq olar. Son vaxtlar sizi narahat edən məsələlərə cavablar alacaqsınız. Cavablar sizi pərişan etməyəcək. Qəfil görüş, xoş tanışlıq istisna deyil. Yeni tanışlarda özünüzlə bağlı rəğbət hissi yaratmağa çalışın. İzafi səylər göstərmədən məqsədə çata bilərsiniz.

Alış-veriş üçün uğurlu gündür. Pullarınızı boşuna sərf etməyin, yalnız zərurət duyduğunuz əşyaları alın. Sizin təşəbbüsünüzlə keçəcək görüşlər pis olmayacaq. Çoxdan bəri rəğbət bəslədiyiniz insanla təmasları aktivləşdirin.

Əqrəb - alacağınız informasiya maraqlıdır. Məlumat sizi heyrətləndirə bilər. Həmin informasiyanın nə qədər faydalı olacağını bir neçə gün sonra anlayacaqsınız. Təcrübənizdən faydalanın. Uğurlu anlaşmalar, sövdələşmələr istisna deyil. Borc götürməyin, bahalı əşyaları kreditə almayın.

Yaxınlarınızla münasibətlər birmənalı deyil. Dəyər verdiyiniz insanlarla dil tapmaq da çətinləşir. Sevdiyiniz insanda incikliyə səbəb olmayın. Başqa zaman əsla fikir verməyəcəyiniz məqamlara görə indi təmasları korlamayın.

Oxatan - əhvalınızı korlaya biləcək məqamlardan yayının. Pozitiv olun, məhsuldar çalışın. Kiçik çətinliklər sizə maneələr yaratmayacaq. Təcrübə və dünyagörüşünüzü artırmaq şanslarınız var. Yeniliklər, novasiyalar əxz etmək imkanlarından imtina etməyin. Problemlərin həllinə yaradıcı yanaşın. Yaradıcı fəaliyyət uğurlu olacaq.

İşgüzar tərəfdaşlarla münasibətlərdə diqqətli olun. Yeni müttəfiqlərlə dil tapmaq çətin deyil. Şəxsi münasibətlərdəki problemləri həll etmək olar. Maneə və sədlərin öhdəsindən asanlıqla gələ bilərsiniz.

Oğlaq - dəyişikliklər günü, yeniliklər zamanıdır. Baş verənləri çox qısa müddət ərzində dəyərləndirmək çətindir. Səbəbsiz təlaşa qapılmayın, narahat olmayın. Aradığınız nəticələrə gəlmək üçün gərəkli məlumatı bir qədər sonra alacaqsınız. Sınanmış işgüzar tərəfdaşlardan birindən maraqlı təklif ala bilərsiniz. Peşəkar fəaliyyət müstəvisindəki planlardan birini həyata keçirmək, yaxşı gəlir əldə etmək, karyera ierarxiyasında iərliləmək olar.

Adi günlərdən fərqli olaraq risklərə meylli olmayın. Bunun sonucları pis ola bilər. Yolda, axşam saatlarındakı olaylarda, alətlərdən istifadə edəndə sərvaxt olun, sayıq davranın. Yaxşı tanımadığınız insanlarla aktiv ünsiyyətdə olmayın.

Dolça - yaxın ətrafınızdakı insanların problemləri sizi laqeyd qoymamalıdır. Yardıma ehtiyacı olan insanlara kömək edin. İşlər çox olsa da, ifrat yorğunluq hiss etməyəcəksiniz. Rəqiblər və ya bədxahlarla müqayisədə daha çox iş görməyə çalışın. Boş söhbətlərə vaxt sərf etməyin. Təlaşlar mənasız və əsassızdır.

Günün ikinci yarısında emosiyalar güclənəcək, əsəblər tarıma çəkiləcək. Axşam saatlarında yaxşı filmə baxmaq və ya gəzintiyə çıxmaq olar.


Balıqlar - enerjili olun, aktiv fəaliyyət göstərin. Rəqibləri geridə qoya bilərsiniz. Amma müttəfiqlərin ləngimələrinə və ya uduzmalarına şərait yaratmayın. İdeyalarınız pis deyil. Onları lağa qoyanlara fikir verməyin. İşdə uğur qazanmaq üçün fəaliyyət azadlığına və sərbəstliyə ehtiyacınız var. İşgüzar tərəfdaşlarla münasibətləri korlamayın. Həmkarlar və rəhbərliklə münaqişələr yaratmayın.

Yeni tanışlıqlar, fərqli romantik təmaslar üçün pis zaman deyil. Sizə təkliflə müraciət edən insanın kim olduğunu müəyyənləşdirməyə çalışın. Müasir texnika və ya avadanlıq almaq olar. Seçiminiz dürüst olsun ki, pullarınız boş yerə xərclənməsin.

Milli.Az