Danimarka və Yeni Zelandiyadan olan beynəlxalq alimlər qrupu virusların bakteriyaların immun sisteminə nüfuz etməsinə imkan verən yeni genetik mexanizm kəşf ediblər. Araşdırma "Nature" elmi jurnalında dərc olunub.

Bakteriyalar CRISPR-Cas adlı mexanizmdən istifadə edərək viruslara qarşı immunitet yaradıblar. O, bakteriofaq DNT parçalarını götürərək mikrobun genomuna daxil etməklə işləyir. Bu yolla bakteriya öz düşmənlərinin “kart indeksini” tərtib edir və onlar görünəndə patogenlərə hücum edir.

“Virus daxil olarsa, onun DNT-sinin bir hissəsi yaddaş bankına əlavə edilir və sonra prosesdə DNT-dən RNT-yə çevrilir. Hər bir RNT bələdçi rolunu oynayır ki, CRISPR-Cas sistemi işğalçı bakteriofaqı düzgün müəyyən edib məhv edə bilsin”, - deyə Yeni Zelandiyanın Otaqo Universitetindən mikrobioloq Dr. David Mayo-Muñoz izah edib.

Bununla belə, viruslar bu sistemin fraqmentlərini öz genomlarına əlavə etməklə bakteriyaların CRISPR-Cas-ını aldatmağı öyrəniblər. Onlardan müdafiəni tamamilə və ya qismən ləğv edə bilən molekulyar mimiklər kimi istifadə edirlər.

Alimlərin fikrincə, bu kəşf gen redaktəsini daha təhlükəsiz etməyə kömək edəcək və antibiotiklərə effektiv alternativlərin yaradılmasına gətirib çıxaracaq.