M3 çiplərinə əsaslanan yeni MacBook Pro və iMac-ın ilk alıcıları yeni Apple kompüterlərinin macOS Sonoma 14.1-in ən son versiyasına yenilənə bilməməsindən şikayətlənirlər. Azadmedia.az xəbər verir ki, bu barədə MacRumors məlumat yayıb.

MacRumors-a görə, problem bəzi MacBook Pro və iMac-lara təsir edir. Onlar əvvəlcədən quraşdırılmış macOS Ventura 13.5 ilə gəlir. Onlara yeniləmə yükləməyə çalışdığınız zaman sistem bu kompüterdə macOS-un ən son versiyasının quraşdırıldığı barədə bildiriş göstərir.

Bu problemin nədən qaynaqlandığı məlum deyil. Bununla belə, MacRumors qeyd edir ki, bu səhv ən azı yeni MacBook Pro və iMac istehsalının macOS Ventura 13.5 buraxıldığı 2023-cü ilin yayında başlandığını göstərir.

Müstəqil proqram təminatı tədqiqatçısı Nicholas Alvarez MacRumors forumunda yazıb ki, yeni Apple kompüterlərində macOS Sonoma 14.1-i quraşdırmanın yeganə yolu proqram təminatını xarici yaddaş sürücüsündən yükləməkdir. Bunun üçün Install Assistant proqramından istifadə etməli olacaqsınız.

Yeni MacBook Pro və iMac 7 noyabr 2023-cü ildə satışa çıxarılacaq.