YouTube videolar TV-dən oxudulan zaman reklam əlavələrinin sayını azaldıb. Bu barədə “The Verge” məlumat yayıb.

Nəşr bildirir ki, reklam vahidlərinin azaldılması 2023-cü ilin sentyabrında həyata keçirilən yeni promo inteqrasiya modelinin sınaqdan keçirilməsinin nəticəsidir. YouTube əlavələrin sayının azalmasını onların müddəti ilə kompensasiya etdi.

Yeni siyasət ən azı ABŞ-da qüvvəyə minib.

Yeni reklam tezliyi ilə yanaşı, YouTube TV-lərdə Shorts promolarını göstərmək imkanını genişləndirdi. Əlavələr indi qısa kliplər arasında görünür. Xüsusi taymerdəki vaxt bitdikdən sonra televizorun pultundan istifadə edərək onları ötürə bilərsiniz.

The Verge xatırladıb ki, 2023-cü ildə YouTube reklam baxımından bir çox yeniliklər təqdim edib. Məsələn, proqramın bəzi versiyalarında keçilə bilməyən 30 saniyəlik bloklar təqdim olunub. Veb versiyada şirkət reklamın bloklanması üçün xidmətlərdən istifadəyə qadağa qoyub.