ChatGPT kimi generativ süni intellekt (AI) bəzi mütəxəssislərin məhsuldarlığını artırır, lakin onun tam miqyasda tətbiqi geniş tənzimləyici inkişaf tələb edir. Bu barədə xeyriyyəçi və Microsoft-un yaradıcısı Bill Qeytsin Davosda (İsveçrə) keçirilən Dünya İqtisadi Forumunda dediyi sözlərə istinadən BNN məlumat yayıb.

Qeytsin sözlərinə görə, generativ süni intellektin yaranması bəzi sahələrdə insan məhsuldarlığında əhəmiyyətli irəliləyişlərə səbəb olub. Məsələn, proqramçılar səmərəliliyin 50%-ə qədər artdığını qeyd edirlər - AI gündəlik kodlaşdırma tapşırıqlarının həllində əladır. Qeyts həmçinin süni intellektlə qarşılıqlı əlaqədən potensial asılılığı vurğulayaraq, iş proseslərində texnologiyadan istifadə ilə bağlı məsələləri diqqətlə nəzərdən keçirməyə çağırıb.

Milyarder onu da vurğuladı ki, süni intellekt hüquqi baxımdan inteqrasiyaya doğru uzun bir yol getməli olacaq. Onun sözlərinə görə, süni intellekt kontekstində normativ bazanın işlənib hazırlanması sosial şəbəkələrdəkindən az çətin olmayacaq.

Qeyts insanların süni intellekt tərəfindən yaradılan məzmunun 2024-cü il ABŞ seçki kampaniyasına mane olması ilə bağlı narahatlıqlarını da şərh edib. Onun fikrincə, bu mümkündür, lakin çox güman ki, süni intellektin prosesə bu təsiri əhəmiyyətsiz olacaq.