Almaniya, İtaliya, Avstraliya və digər ölkələrdən olan beynəlxalq alimlər qrupu Yerdən 40 min işıq ili uzaqlıqda qəribə obyekt aşkar ediblər. Sirli bədən məlum neytron ulduzlarının hər hansı birindən daha ağır, lakin kəşf edilən ən kiçik qara dəlikdən daha yüngül olduğu ortaya çıxdı. Tədqiqat “Science” elmi jurnalında dərc olunub.

Anomaliya Cənubi Afrikanın Şimal burnunda MeerKAT radioteleskopunun köməyi ilə aşkar edilib. O, bizim Süd Yolu qalaktikamızda, NGC 1851 qlobular çoxluğu kimi tanınan sıx ulduzlar qrupunda yerləşir.

Naməlum obyekt sürətlə fırlanan neytron ulduzu olan PSR J0514-4002E radio pulsarı ilə eyni sistemdədir.

Astronomların fikrincə, kəşf “qara dəlik kütləsi boşluğu” kimi tanınan elmi sirrin həllində əsas rol oynaya bilər. Hesablamalara görə, böyük bir ulduzun qalan kütləsi Günəşimizin kütləsindən ən azı 2,2 dəfə böyük olduğu halda çökəndə qara dəlik əmələ gəlir. Halbuki elmə məlum olan bütün qara dəliklər Günəşdən ən azı beş dəfə böyük idi.

Başqa bir fərziyyə PSR J0514-4002E pulsarının orbitində super sıx bir obyektin digər iki neytron ulduzunun toqquşması nəticəsində yarana biləcəyini göstərir.

Alimlər anomaliyanın tədqiqini davam etdirmək və sonrakı müşahidələr vasitəsilə onun təbiətini müəyyən etmək niyyətindədirlər.