ABŞ-ın Minnesota Universitetinin alimləri müəyyən ediblər ki, pişik sahibləri stressə daha az həssasdırlar. Onlarda infarkt və digər ürək və damar xəstəlikləri riski də azalır. Tədqiqatın nəticələri Damar və Müdaxilə Nevrologiyası Jurnalında (JVIN) dərc edilib.

Tədqiqatçılar müəyyən ediblər ki, pişiklər bir çox səbəbə görə sahiblərinin sağlamlığına fayda verə bilər. Araşdırmada iştirak edən pişik sahiblərinin müşahidəsi nəticəsində məlum olub ki, pişiklərlə ünsiyyət stressi aradan qaldırmağa kömək edir. Bu, insult kimi ürək-damar xəstəliklərinin inkişaf riskinin azalması ilə birbaşa bağlıdır.

Ev heyvanınızla oynamaq və onu sığallamaq da yaxşı əhval-ruhiyyədən məsul olan serotonin hormonunun ifrazını stimullaşdırır. Bundan əlavə, təmiz havada heyvanla gəzmək, sahiblərinin gündəlik fiziki fəaliyyət səviyyəsini artırır, sağlamlığına və dözümlülüyünə müsbət təsir göstərir.