“WhatsApp” tərtibatçıları messencerə biometrika və paroldan istifadə edərək tətbiqin bloklanması funksiyasını əlavə etməyi planlaşdırır. Bu barədə WABetaInfo portalı məlumat yayıb.

Mənbənin bildirdiyinə görə, barmaq izi, sifətin tanınması və ya paroldan istifadə etməklə tətbiqin kilidini təyin etməyə imkan verən yenilik artıq “WhatsApp”ın Android üçün 2.24.6.20 versiyasının bəzi beta testerləri üçün işləyir.

Qeyd olunur ki, əvvəllər tətbiqi yalnız biometrik parametrlərdən istifadə etməklə bloklamaq mümkün idi ki, bu da cihazlarında müvafiq sensorlar olmayan və ya digər qorunma üsullarına üstünlük verənləri məhdudlaşdırırdı. Bundan əlavə, qış aylarında barmaq izi kilidi qoyan istifadəçilər naməlum xəta səbəbindən WhatsApp-a daxil ola bilməyiblər və parol seçmək imkanı onları narahatçılıqdan xilas edə bilərdi.

Funksiya hazırda məhdud sayda testçi üçün əlçatandır. Daha geniş auditoriyaya nə vaxt təqdim olunacağı açıqlanmayıb. WABetaInfo portalı hələ istifadəçilərə ən son beta versiyasını quraşdırmağı tövsiyə etmir, çünki bəzi istifadəçilər proqramın heç bir səbəb olmadan daim qəzaya uğramasından şikayətlənirlər.