Qorxu və döyüş filmlərinin pərəstişkarları daha çox açıqlıq və ünsiyyətcillik nümayiş etdirirlər, elmi-fantastik filmlərə üstünlük verən insanlar isə narsisistik şəxsiyyət xüsusiyyətlərini nümayiş etdirirlər. Bu barədə “Daily Mail” nəşri İspaniyanın Lleyda və ABŞ-ın Corciya Universitetinin alimlərinin araşdırmalarına istinad edərək yazır.

Corciya Universitetinin alimlərinin araşdırmasına görə, elmi-fantastik filmlər çox vaxt özünü ifadə və tanınmağa güclü ehtiyacı olan yaradıcı insanları cəlb edir. Həmçinin, bu janrın pərəstişkarları narsisistik şəxsiyyət xüsusiyyətlərini nümayiş etdirə bilərlər.

Corciya Universitetinin alimlərinin fikrincə, döyüş və qorxu filmlərini sevmək insanın mahiyyətcə qəddar olması demək deyil. Onların araşdırmaları göstərdi ki, əksinə, bu janrlara üstünlük vermək çox vaxt ekstraversiya (xarici aləmə maraq), ünsiyyətcillik və razılıq ilə əlaqələndirilir. İspan alimləri həmçinin aşkar ediblər ki, qorxu filmlərinin pərəstişkarları xəbər proqramlarına nadir hallarda baxırlar və onları “olduqca darıxdırıcı” hesab edirlər.