Milli Aeronavtika və Kosmik Tədqiqatlar İdarəsi (NASA) Aya Elektrodinamik Toz Qalxanı və ya EDS adlı toz dəf edən cihaz göndərəcək. O, avadanlıqları və gələcək Ay missiyalarının iştirakçılarını peykin səthində reqolitin təsirindən qorumaq üçün nəzərdə tutulub. Bu barədə kosmik agentliyin rəsmi saytında məlumat verilib.

Ay tozu iti kənarları olan hissəciklərdən ibarətdir ki, bu da onu hətta davamlı materiallar üçün təhlükəli edir. O, həmçinin güclü elektrostatik yükə malikdir və müxtəlif səthlərə asanlıqla yapışır. Bu maddə avadanlıqları, kosmik kostyumları, hermetik lyukların möhürlərini və insan həyatının Ayda asılı olacağı digər elementləri korlaya bilər.

EDS tozu səthlərdən uzaqlaşdıran "dalğayabənzər" elektrik sahəsi yaratmaq üçün elektrodlar sistemindən istifadə edir. NASA izah etdi ki, cihazın elektrodlarının yaxınlığındakı toz hissəcikləri elektrod şəbəkəsi ətrafında qeyri-bərabər elektrik sahəsinin yaratdığı dielektroforetik qüvvə ilə qarşılaşır.

EDS sisteminin prototipi Firefly Aerospace-in Blue Host Mission 1-də Aya göndəriləcək. Uçuş 2024-cü ilin sonuna planlaşdırılır.