ABŞ və Almaniyadan olan beynəlxalq astronomlar qrupu Yerdən 1 min işıq ili uzaqda, bu gün elm adamlarına məlum olan ən böyük protoplanet diskinə malik gənc ulduz tapıb. Tədqiqat Astrophysical Journal Letters (AJL) elmi nəşrində dərc olunub.

Ulduzların protoplanetar diskləri toz və qazdan ibarətdir, onlardan planetlər və digər göy cisimləri ulduzun cazibə qüvvəsinin təsiri altında tədricən əmələ gəlir.

Müşahidələrin göstərdiyi kimi, IRAS 23077 adlı açıq disk Yerlə Günəş arasındakı məsafədən 3,3 min dəfə genişdir. Tərkibindəki material çox uzaq orbitlərdə nəhəng dünyalar yaratmaq üçün kifayətdir.

Alimlərin fikrincə, IRAS 23077 kəpənək formasına malikdir. Onun miqyası ulduzların protoplanetar diskləri arasında əvvəlki rekordçudan iki dəfə böyükdür.

Araşdırmanın aparıcı müəllifi Harvard-Smithsonian Astrofizika Mərkəzindən Kristina Monş qeyd edib ki, IRAS 23077 ölçüsü tədqiqatçılara planetlərin əmələ gəlməsi proseslərini müşahidə etməyə imkan verəcək.