Amsterdam Şəhər Şurasının İnformasiya və Kommunikasiya Texnologiyaları Siyasəti üzrə üzvü Alexander Scholtes Amsterdam bələdiyyəsinin "insan hüquqları və casusluqla bağlı narahatlıqlara görə" Çin istehsalı olan kameralardan istifadəni dayandıracağını söylədi. Bu barədə NL Times xəbər verir.
Şoltes şəhər şurasına yazdığı məktubda Çin kameralarının 5 il ərzində mərhələli şəkildə ləğv edilməsinin planlaşdırıldığını vurğulayıb.

Nəşr qeyd edir ki, hazırda Amsterdamda 1280 Çin kamerası müxtəlif bələdiyyə tapşırıqlarını yerinə yetirmək, o cümlədən açıq havada müşahidə və ya yollarda nəqliyyatın hərəkətini izləmək üçün istifadə olunur.
Scholtes hesab edir ki, çinli kamera istehsalçılarının Çində insan haqları, o cümlədən uyğurlara qarşı pozuntularda iştirakı ilə bağlı narahatlıqlar var.

Bundan əvvəl məlum olub ki, Rusiya və Çin hüquqi gündəmin siyasiləşdirilməsinə və ikili standartlar siyasətinə qarşı çıxıblar. İki ölkənin birgə bəyanatında qeyd olunur ki, Rusiya Federasiyası və ÇXR birlikdə insan haqları gündəliyinin siyasiləşdirilməsinə qarşı çıxırlar.