Teleaparıcı İlham Mirzəyevin müalicə aldığı xəstəxanadan onun səhhəti ilə bağlı açıqlama verilib.

Mərkəzi Klinikadan verilən məlumata əsasən, İ.Mirzəyev sol mədəciyin ön divarının miokard infarktı, kardiogen şok vəziyyətində xəstəxanaya qəbul olunub.

Xəstəyə angioplastika icra edilib və stent implantasiya olunub.

Hazırda teleaparıcının vəziyyəti ağır-stabil olaraq dəyərləndirilir. Onun kardioreanimasiya şöbəsində kompleks müalicəsi davam etdirilir.

İlham Mirzəyev daha əvvəl sosial şəbəkə hesabında səhhətinin pisləşdiyini bildirərək izləyicilərindən onun üçün dua etmələrini xahiş etmişdi.