“Aşk-ı Memnu” serialında “Arsen xanım” rolu ilə tanınan Gülsen Tuncerin ağır xəstəlikdən əziyyət çəkdiyi məlum olub.

Məlumat “Film-San” Fondunun sosial media hesabında paylaşdığı açıqlamada yer alıb. Fond 81 yaşlı aktrisaya şəfa diləyərək onun hazırda amansız xəstəliklə mübarizə apardığını qeyd edib.

1945-ci ildə doğulan Gülsen Tuncer aktyorluq fəaliyyəti ilə yanaşı, bəstəkarlıq və müəllimlik də edib. O, “Soğuktu ve Yağmur Çiseliyordu” və “Bir Tren Yolculuğu” filmlərindəki rollarına görə “Ən yaxşı köməkçi qadın aktrisa” mükafatına layiq görülüb.