Hindistanın baş naziri Narendra Modinin Moskvaya rəsmi səfəri zamanı Rusiya və Hindistan arasında 15 sənəd imzalanıb. Bu barədə Kremlin saytında məlumat verilib.
İmzalanan sənədlər arasında XXII Rusiya-Hindistan sammitinin yekunu üzrə Rusiya prezidenti Vladimir Putin və Modinin birgə bəyanatı, habelə 2030-cu ilə qədər ölkələr arasında strateji əməkdaşlıq sahələrinin inkişafı ilə bağlı liderlərin birgə bəyanatı var.
Bir sıra memorandumlar da imzalanıb: Rusiya Federasiyasının İqtisadi İnkişaf Nazirliyi ilə Hindistanın Ətraf Mühit, Meşə Təsərrüfatı və İqlim Nazirliyi arasında qarşılıqlı anlaşma haqqında, Rosreestr ilə Hindistanın Geodeziya Xidməti arasında qarşılıqlı anlaşma haqqında və s.