Kansler Olaf Şolzun Sosial Demokrat Partiyası (SPD) 2026-cı ildə Almaniyada ABŞ-ın uzaqmənzilli raketlərinin yerləşdirilməsi qərarını dəstəkləməyib. Bu barədə “Politico” kanslerin partiyadaşlarına istinadən yazır.
Nəşrin məlumatına görə, müdafiə və təhlükəsizlik məsələləri ilə məşğul olan yüksək rütbəli SPD nümayəndələri həmkarlarına not yazıblar. Onlar orada bu məsələni müzakirə etmək üçün sentyabrda Bundestaqda debatlar keçirmək niyyətində olduqlarını qeyd ediblər.
Notada deyilir: "Almaniyada uzunmənzilli silah sistemlərinin elan edilmiş yerləşdirilməsi ilə bağlı cari müzakirələr hamımızı narahat edir".
Bundestaqın aşağı palatasında SPD fraksiyasının lideri Rolf Mützenich Berlinin bu silahdan istifadə məsələsində səsvermə hüququnun olub-olmayacağını əsas problemlərdən biri hesab edir.
"Hər silah dərhal Almaniyanı daha təhlükəsiz etmir" dedi.
Əvvəllər bildirilirdi ki, Vaşinqtonun NATO-ya sadiqliyini nümayiş etdirmək üçün ABŞ 2026-cı ildə Almaniyada uzaqmənzilli silahlar yerləşdirməyə başlayacaq.
Rusiya prezidenti Vladimir Putin xəbərdarlıq edib ki, ABŞ raketlərinin Almaniyada yerləşdirilməsi halında Rusiya özünün orta və yaxın mənzilli raketlərinin yerləşdirilməsinə qoyulan moratoriumdan azad hesab edəcək.