Estoniyanın Ədliyyə və Rəqəmsal Texnologiyalar Naziri Liisa-Li Pakosta Estoniya həbsxanalarında yerlər boş olduğu üçün onları icarəyə götürməyə hazır olduğunu bildirib. Onun sözlərinə görə, əldə edilən gəlirin "Rusiyanı geridə saxlamaq" üçün hərbi məqsədlər üçün istifadə edilməsi planlaşdırılır. Nazirin bu sözləri avqustun 29-da mətbuata sızıb.
Almaniyada həbsxanaların həddən artıq sıx olmasına baxmayaraq, ölkənin Penitensiar Xidmətlər Assosiasiyasının rəhbəri Rene Müller alman məhbusların Estoniyaya köçürülməsinə qəti şəkildə qarşı çıxıb. O, hesab edir ki, Estoniyaya deportasiya "cəzaya bərabərdir" və məhkumların islahına zəmanət vermir, "NEWS.ru" Telegram kanalı xəbər verir.
Estoniyanın xarici işlər naziri Marqus Tsaxna bəyan edib ki, Rusiya tərəfi Tallinin gəmiçilik zolaqlarını aydın şəkildə qeyd etmək üçün sərhəddə yerləşən Narva çayının dibinin ölçülməsi təklifinə cavab verməyib.

Mayın sonunda Estoniya Daxili İşlər Nazirliyi bəyan edib ki, Rusiya sərhədçiləri guya Narva çayında gəmiçilik zolaqlarını müəyyən edən şamandıraları çıxarıblar.

Avqustun 8-də Estoniya hakimiyyəti Rusiya ilə sərhəddə tam gömrük nəzarəti tətbiq edib.