Avropa diplomatiyasının rəhbəri Xosep Borrell və Macarıstanın xarici işlər naziri Peter Szijarto Brüsseldə qapalı görüşdə mübahisə ediblər. Bu barədə “Politico” qəzeti mənbələrə istinadən məlumat yayıb.
Qeyd olunur ki, Aİ Şurasının binasına gəldikdən sonra Borrell Rusiyadakı hədəfləri məhv etmək üçün Ukrayna tərəfindən ötürülən silahların istifadəsinə qoyulan məhdudiyyətləri aradan qaldırmağa çağırıb.
Macarıstan diplomatı məhdudiyyətlərin aradan qaldırılmasına qarşı çıxıb, Borrelin Ukrayna ilə bağlı təkliflərini ehtiyatsızlıq adlandırıb.
“Yüksək təmsilçinin qəzəbinə son qoyulmalıdır.
Avropa diplomatiyasının rəhbəri daha əvvəl bildirmişdi ki, Avropa İttifaqı ölkələrinin müdafiə nazirləri Ukraynaya Rusiyaya zərbələr endirmək üçün verilən silahlardan istifadəyə qoyulan məhdudiyyətlərin aradan qaldırılması ilə bağlı razılığa gəlməyiblər. Onun sözlərinə görə, üzv ölkələr qərara gəliblər ki, bu, ikitərəfli məsələdir və qərarı silah tədarük edən ölkələr verməlidir.