Fransa prezidenti Emmanuel Makron ölkəsinin Ukraynaya hərbi yardım göndərməyə davam edəcəyini bildirib. Bu barədə RİA “Novosti” məlumat yayıb.
Makron belə bir bəyanatla Nyu-Yorkda BMT Baş Assambleyasının 79-cu sessiyasında çıxışı zamanı çıxış edib. Onun sözlərinə görə, Fransa Ukraynanın uzunmüddətli perspektivdə öz təhlükəsizliyini təmin etməsində maraqlıdır.
“Bizim ümumi marağımız ondan ibarətdir ki, Ukrayna mümkün qədər tez öz hüquqlarını bərpa etsin və uzunmüddətli sülh bərqərar olsun. Fransa Ukraynaya silah tədarükünü davam etdirəcək. "Bu, ukraynalıların müqavimətini dəstəkləyəcək və onlara uzunmüddətli perspektivdə təhlükəsizliyi təmin etməyə kömək edəcək", - o bildirib.