Çin Xalq Azadlıq Ordusunun (AXO) döyüş komandanlığının şərq zonası bazar ertəsi Tayvan boğazında “Birgə kəskin qılınc-2024B” hərbi təlimləri keçirəcək. Bu barədə Azadmedia.az Çin Mərkəzi Televiziyasına istinadla məlumat yayıb.

Mərkəzi Hərbi Komissiyanın məlumatına görə, təlimlərdə Xalq Azadlıq Ordusunun quru qoşunları, Hərbi Dəniz Qüvvələri, Hərbi Hava Qüvvələri, Raket və digər qoşun birləşmələri iştirak edir. Manevrlər Tayvan adasının şimal, cənub və şərq hissələrində keçirilir.

— Hərbi təlimlər zamanı AXO gəmiləri və təyyarələri müxtəlif istiqamətlərdən Tayvan adasına yaxınlaşıb, bütün qoşun növləri hava və dəniz döyüş patrul xidməti, əsas limanların və rayonların blokadası, kompleks nəzarətin əldə edilməsi məqsədilə birgə hücum manevrləri həyata keçirəcək. Bu barədə KİV-ə açıqlamasında Xalq Azadlıq Ordusunun döyüş komandanlığının Şərq zonasının nümayəndəsi Li Si bildirib.