Türkiyə prezidenti Rəcəb Tayyib Ərdoğan Ankarada TUSAŞ şirkətində baş verən terror aktı ilə bağlı Təhlükəsizlik Şurasının iclasını keçirəcək.

Türkiyə mətbuatının yazdığına görə, Türkiyə lideri BRİKS sammitinin keçirildiyi Kazandan təyin olunan vaxtdan əvvəl qayıdıb.

Şuranın iclası bu gün İstanbulun Atatürk Hava Limanında keçiriləcək.

Xarici işlər naziri Hakan Fidan, milli müdafiə naziri Yaşar Gülər, daxili işlər naziri Əli Erlikaya, Baş Qərargah rəisi Metin Gürak, Kəşfiyyat İdarəsinin rəisi İbrahim Kalın, Türkiyə lideri Administrasiyasının Kommunikasiya şöbəsinin rəhbəri Fəxrəddin Altun və digərləri məsul şəxslər iclasda iştirak edəcəklər.

TUSAŞ - təyyarələr, helikopterlər, dronlar və peyklər inkişaf etdirən və istehsal edən Türkiyənin aparıcı aerokosmik şirkəti. Korporasiya ölkənin müdafiəsinin gücləndirilməsində əsas rol oynayır.

Ötən gün silahlı terrorçular Ankaranın Qəhrəmankazan rayonunda TUSAŞ müəssisəsinə hücum etmiş, 5 nəfər həlak olmuş, 22 nəfər yaralanmışdır. Türkiyə Daxili İşlər Nazirliyinin rəhbəri Əli Erlikaya deyib ki, hakimiyyətin hücumun arxasında RKK terror təşkilatının yaraqlılarının dayandığını düşünməyə ciddi əsasları var.