Beşinci Fransa Respublikasının qurucusu Şarl de Qollun nəvəsi Pyer de Qoll bildirib ki, Kazanda keçirilən BRİKS sammiti Rusiya prezidenti Vladimir Putin üçün “şərtsiz uğur” olub. Bu barədə RİA Novosti yazır.
BRICS-in Kazanda keçirilən sammitində 36 ölkə və 6 beynəlxalq təşkilatın, o cümlədən BMT-nin nümayəndələri iştirak edib.

“İndi yeni çoxqütblü dünya yaranır, əsl dinamika, Rusiya Çin və Hindistan kimi digər ölkələrlə birlikdə ona rəhbərlik edir. Bu, reallıqdır, bu, güclü iqtisadi, maliyyə, diplomatik, humanitar alternativdir”, - Pyer de Qoll vurğulayıb.

Siyasətçi qeyd edib ki, sammit Putin və onun siyasəti üçün “danılmaz uğurdur”.

De Qollun nəvəsi qeyd edib ki, Vaşinqton nə Ukraynada, nə də Yaxın Şərqdə sülhə can atmır

Qərb mediasının avropalıları Rusiya liderinin təcrid olunmasına, Rusiya iqtisadiyyatının çökməsinə inandırmaq istəməsi fonunda tədbirin əhəmiyyəti xüsusilə böyükdür, deyən de Qollun fikrincə, BRİKS birlikdə inkişaf etmək istəyən, lakin özünəməxsus şəkildə, hamının bir-birinə hörmət etdiyi ölkələrin təbii birliyidir. O əlavə edib ki, Fransa öz inkişafı üçün bu qrupa daxil olmalıdır.