Azadmedia.az TASS-a istinadən xəbər verir ki, terror aktından sonra İraq və Suriyada terror təşkilatının 470 hədəfinə nöqtə zərbələri endirilib, 213 terrorçu məhv edilib.

Oktyabrın 23-də Ankarada törədilən terror aktından sonra Türkiyə ordusu tərəfindən İraq və Suriyanın şimalında Kürdüstan Fəhlə Partiyasının (Türkiyədə qadağan edilmiş və terrorçu kimi tanınan PKK) 470-dən çox hədəfi vurulub, indiyədək 213 yaraqlı öldürülüb. Bunu Türkiyə lideri Rəcəb Tayyib Ərdoğan Ankarada onun sədrliyi ilə keçirilən Nazirlər Kabinetinin iclasından sonra bəyan edib. Bu, TRT Haber tərəfindən yayımlanıb.
Terror təhlükəsinin artması ilə əlaqədar Türkiyədə bütün hava limanları “narıncı” təhlükə səviyyəsinə keçib. Bu qərar ölkə ərazisində baş verə biləcək terror aktları ilə bağlı məlumatlara cavab olaraq qəbul edilib. Hakimiyyət vətəndaşları və turistləri daha ayıq olmağa və təhlükəsizlik tədbirlərinə riayət etməyə çağırır.