Polşanın baş naziri Donald Tusk Britaniya və Fransa liderləri Kir Starmer və Emmanuel Makronla Ukrayna münaqişəsinin nizamlanması perspektivlərini müzakirə etmək niyyətindədir.

O vurğulayıb ki, Varşava öz missiyasını Ukraynanı ABŞ-ın yeni prezidenti Donald Trampın tətbiq etdiyi sülh sazişindən “qorumaq”da görür. Polşa belə bir razılaşmanın mümkünlüyünü təhlükə kimi qiymətləndirir, "xüsusilə Rusiya-Ukrayna münaqişəsinin potensial sona çatması fonunda (Rusiyanın xeyrinə) hamı üçün bir çağırışdır".

Siyasətçi əmin edib ki, heç kim münaqişənin davam etməsini istəmir, lakin eyni zamanda Ukraynanın dostları üçün onun zəifləməsi və təslim olması xoşagəlməz olacaq. Polşa üçün bu, əlavə risklərə çevriləcək.