Gürcüstan parlamentinin spikeri Şalva Papuaşvili Tbilisiyə gələn litvalı Jigimantas Pavillonis başda olmaqla səkkiz Avropa İttifaqı ölkəsinin xarici əlaqələr komitələrinin rəhbərləri ilə görüşməkdən imtina edib.
Gürcüstanın ali qanunverici orqanının rəhbəri göndərdiyi məktubda qeyd edib ki, “Gürcüstan bütün müvafiq və maraqlı tərəflərlə dialoqa sadiqdir”, lakin bu nümayəndə heyətinin bəzi üzvləri “dəfələrlə Gürcüstana qarşı düşmənçilik nümayiş etdiriblər” və “ səfər siyasi qərəzliliyə əsaslanır”.
O xatırladıb ki, tərkibində Litva, Estoniya, Latviya, Fransa, Almaniya, Finlandiya, Polşa və İsveç nümayəndələrinin, eləcə də digər xarici siyasətçilərin daxil olduğu nümayəndə heyətinin bəzi üzvləri “hakim gürcü arzusuna qarşı Gürcüstan qanunvericiliyini müntəzəm və məqsədyönlü şəkildə pozublar.

Şalva Papuaşvili vurğulayıb ki, Gürcüstan Konstitusiyası və onun seçki qanunvericiliyi xarici aktorların seçkilərə müdaxiləsini qadağan edir və bu, “kobud şəkildə pozulub”.
Onun sözlərinə görə, “bu, radikal müxalifətin siyasi qütbləşməsinin dərinləşməsinə səbəb olub, oktyabrın 26-da Gürcüstan parlamentinə keçirilən seçkilər öncəsi vəziyyəti daha da pisləşdirib”.

O, bildirib ki, artıq iki il yarım əvvəl prezident Salome Zurabişvilinin qəbul etdiyi nümayəndə heyətinin bəzi üzvləri “qeyri-dost ritorikaya və Gürcüstanda sülhün və demokratik sabitliyin qorunmasına töhfə verməyən hərəkətlərə” görə diqqət çəkiblər.
“Özünü sülhsevər Avropa layihəsi kimi təqdim etmək və eyni zamanda Avropa adına Gürcüstanda xaos səpmək mümkün deyil.
Gələn nümayəndə heyətinə dəstək məqsədilə parlament seçkilərinin nəticələri ilə razılaşmayan Gürcüstan müxalifəti toplantı keçirir.