Almaniyanın müdafiə nazirliyinin rəhbəri Boris Pistorius Ukraynanın güclü mövqedən çıxış etməsi üçün Avropa ölkələri Kiyevin müdafiə sənayesini dəstəkləməyə davam edəcək. Bu barədə RİA Novosti məlumat yayıb.

Bu bəyanatla nazir İtaliya, Fransa, Böyük Britaniya və Polşanın müdafiə nazirliklərinin rəhbərləri ilə görüşdən sonra çıxış edib. Onlar ABŞ-da keçirilən prezident seçkilərində Donald Trampın qələbəsindən sonra baş verə biləcək dəyişiklikləri müzakirə etmək, həmçinin öz fəaliyyətlərini əlaqələndirmək üçün toplaşıblar.

Pistorius vurğulayıb ki, Rusiya-Ukrayna münaqişəsi “artıq regional deyil, beynəlxalq miqyas alıb”.

Almaniyanın müdafiə naziri əlavə edib ki, Avropa dövlətlərinin məqsədi Ukraynanın “güclü mövqedən çıxış edə bilməsidir”.

Noyabrın 21-də bildirildi ki, Norveç hakimiyyəti Ukraynanın müdafiə sənayesini dəstəkləmək üçün 500 milyon Norveç kronu (təxminən 45,3 milyon dollar) verəcək.

Norveçin müdafiə naziri Byorn Arild Qram qeyd edib ki, bu vəsait Ukraynada silah və hərbi texnika istehsalının sürətləndirilməsinə yönəldiləcək.