Rusiya Xarici İşlər Nazirliyinin rəhbəri Sergey Lavrov Ermənistanın Kollektiv Təhlükəsizlik Müqaviləsi Təşkilatından (KTMT) çıxmaq niyyətini suveren qərar adlandırıb. Onun sözlərini RİA Novosti yayıb.
Onun sözlərinə görə, Rusiya Ermənistanın KTMT-dən çıxması ilə bağlı sənədi almayıb. O, əlavə edib ki, Rusiya Ermənistana təşkilata üzvlük məcbur etmir, lakin hesab edir ki, təşkilata üzvlükdən maksimum istifadə etmək respublikanın təhlükəsizliyinin marağındadır. Lavrov Rusiyanın və KTMT-nin digər üzvlərinin İrəvana qapını bağlamaq kimi qəbul ediləcək heç bir hərəkətə yol vermədiyinə diqqət çəkib.

Bundan əvvəl Ermənistanın baş naziri Nikol Paşinyan bəyan etmişdi ki, KTMT ilə İrəvan arasında münasibətlər geri dönməz həddə çatıb və Ermənistan onun blokdan kənarda olduğunu hesab edir. Onun sözlərinə görə, indi Ermənistanın təşkilatın fəaliyyətində iştiraka qayıtması qeyri-mümkün olur.