Almaniya, Fransa və Aİ liderləri Zelenskini çərşənbə günü Brüsseldə görüşə dəvət ediblər
Almaniya, Fransa, Polşa, İtaliya, Böyük Britaniya başçıları, həmçinin NATO və Aİ liderləri Ukrayna prezidenti Vladimir Zelenskini çərşənbə günü Brüsseldə görüşə dəvət ediblər. Bu barədə Reuters agentliyi mənbələrə istinadən məlumat yayıb.

Agentliyin məlumatına görə, görüşdə Ukraynaya yardım məsələsi müzakirə olunacaq.

“Bu, konkret qərarların qəbul ediləcəyi görüş deyil, daha çox qarşıdakı həftələr və münaqişə ayları ilə bağlı siyasi müzakirə olacaq”, - adının açıqlanmasını istəməyən mənbə agentliyə bildirib.

NATO-nun baş katibi Mark Rutte tərəfindən təşkil olunacaq tədbir Aİ və Qərbi Balkan ölkələrinin liderlərinin Brüsseldə keçiriləcək sammiti ilə eyni gündə baş tutacaq. Onun çərçivəsində Zelenski ilə birgə görüş və bir sıra ikitərəfli görüşlər keçiriləcək.

Daha əvvəl Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas bildirmişdi ki, Aİ-yə üzv ölkələrin xarici işlər nazirləri Rusiya Federasiyasının prezidenti Vladimir Putin və liderlər arasında ikitərəfli danışıqların aparılmasının mümkünlüyünü müzakirə edəcəklər. qarşıdakı görüş zamanı region dövlətlərinin.