Rusiya prezidenti Vladimir Putin Avrasiya Ali İqtisadi Şurasının iclasında bəyan edib ki, Avrasiya İqtisadi İttifaqı özünü formalaşmaqda olan çoxqütblü dünyanın müstəqil və özünü təmin edən mərkəzlərindən biri kimi təsdiq edib.
“Aİİ fəaliyyəti biznes əlaqələrinin inkişafına, müəssisələr arasında kooperativ əlaqələrin möhkəmlənməsinə töhfə verir və ən əsası, inteqrativ əməkdaşlıq ittifaq iştirakçılarının hər birinə fayda verir, əslində, bu, ölkələrin iqtisadiyyatlarının sabit, dayanıqlı artımını təmin etməyə kömək edir. Avrasiya beşliyi və bütövlükdə Avrasiya regionu ölkələrimizin həyat keyfiyyətinin və rifahının artmasına gətirib çıxarır”, - deyə o əlavə edib.

Putin həmçinin vurğulayıb ki, Rusiya Aİİ tərəfdaşları ilə qarşılıqlı faydalı əməkdaşlığı yüksək qiymətləndirir və inteqrasiya birliyinin möhkəmləndirilməsi istiqamətində işlərin intensivləşdirilməsində maraqlıdır.