“Azərbaycan Hava Yolları” QSC-nin təyyarə qəzasında sağ qalan Qırğızıstan vətəndaşları ötən gecə Bişkekə uçublar. Hazırda xəstəxanadakı həkimlər onlara baxır.
“Azərbaycan Hava Yolları” QSC-nin təyyarəsinin qəzaya uğraması nəticəsində sağ qalan 3 Qırğızıstan vətəndaşı vətənə qayıdıb, bu barədə ölkənin Fövqəladə Hallar Nazirliyi məlumat yayıb.

Hava limanına çatdıqdan sonra bütün zərərçəkənlər xəstəxanaya göndərilib. İndi onlar həkim nəzarətindədirlər.

Xatırladırıq ki, Azərbaycan Hava Yollarına məxsus təyyarə 2024-cü il dekabrın 25-də Qazaxıstanın Aktau hava limanı yaxınlığında qəzaya uğrayıb. Qəzada 38 nəfər ölüb: 35 sərnişin, 3 ekipaj üzvü. 29 nəfər sağ qalıb: 27 sərnişin, 2 ekipaj üzvü.