Avropa Parlamenti Gürcüstandan Rusiya ilə müharibəyə başlamağı tələb edə bilər – ötən 2024-cü ildə avropalı deputatlar bu məsələ ilə bağlı beş qətnamə qəbul ediblər. Bu barədə hakim “Gürcü arzusu” partiyasının siyasi şurasının bəyanatında deyilir.
Hakim "Gürcü arzusu - Demokratik Gürcüstan" partiyasının siyasi şurası bu gün rəsmi bəyanat yayaraq xəbərdarlıq edib ki, Avropa Parlamenti ölkədən Rusiya ilə müharibəyə başlamağı tələb etmək niyyətindədir.

Ötən 2024-cü ildə Avropa Parlamenti ölkəyə qarşı beş təxribat xarakterli qətnamə qəbul edib, növbəti qətnamə Gürcüstanın Rusiya Federasiyası ilə müharibəyə başlaması üçün birbaşa və açıq ola bilər.
Hakim siyasi qüvvə xatırladıb ki, Avropa Parlamenti artıq öz qətnamələrində Gürcüstandan “Gürcü Arzusu”nun təsisçisi və fəxri sədri Bidzina İvanişviliyə qarşı sanksiyaların tətbiqini, Gürcüstanın həbsdə olan eks-prezidenti Mixail Saakaşvilinin azad edilməsini, qanunun ləğvini tələb edib. LGBT təbliğatının qadağan edilməsi və Rusiyaya qarşı sanksiyaların tətbiqi haqqında qanun da müzakirə mövzusudur.