Rusiya ABŞ prezidenti Donald Trampın Moskva ilə birbaşa əlaqə qurmaq istəyini “təqdirəlayiq” hesab edir. “RİA Novosti”nin verdiyi xəbərə görə, bunu Rusiyanın xarici işlər naziri Sergey Lavrov deyib.
Birbaşa əlaqə yaratmaq istəyi özlüyündə təqdirəlayiqdir”, - Lavrov bildirib.
Rusiya Xarici İşlər Nazirliyinin rəhbəri qeyd edib ki, əgər Rusiya-Amerika münasibətlərini ən azı normallıq formasına, o cümlədən Vaşinqton və Moskvadakı səfirlərin işinə qaytarmaq olarsa, bu, mütləq uğur olacaq.
Eyni zamanda o vurğulayıb ki, Rusiya Trampa “aldanmaq” niyyətində deyil və onun haqqında heç bir illüziyası yoxdur. Lavrov xatırladıb ki, onun birinci dövründə, gözlənilənlərin əksinə olaraq, keçmiş prezident Barak Obamanın başladığı ikitərəfli əlaqələrin məhv edilməsi prosesi davam edib. Bundan əlavə, rusiyalı diplomat bəyan edib ki, Tramp tətbiq olunan anti-Rusiya sanksiyalarının sayına görə sələflərini ötüb.