ABŞ-ın nəqliyyat naziri Şon Daffi bildirib ki, Vaşinqton səmasında qəzaya uğrayan təyyarənin qarşısı alına bilərdi.
Təyyarə cümə axşamı gecə paytaxtın Reyqan hava limanı yaxınlığında, Bombardier CRJ700 təyyarəsi ilə Black Hawk hərbi helikopterinin toqquşması nəticəsində baş verib.

Şəhərin yanğınsöndürmə idarəsinin və təcili yardım xidmətinin rəhbəri Con Donnellinin sözlərinə görə, sağ qalan yoxdur. Xilasedicilər 28 cəsədi sudan çıxarıblar. Təyyarənin göyərtəsində ümumilikdə 64 nəfər olub. Gəmi iki hissəyə bölünüb, qalıqları su sahəsinə səpələnib.
Mənbənin RİA Novosti-yə verdiyi məlumata görə, təyyarədə 1994-cü ilin fiqurlu konkisürmə üzrə dünya çempionları Yevgeniya Şişkova və Vadim Naumov olub.

Ehtimallara görə, Black Hawk helikopteri göyərtəsində üç hərbçi olmaqla təlim uçuşu həyata keçirirdi, lakin onların arasında yüksək rütbəli komanda heyəti üzvləri yoxdur.
Baş verənlərə münasibət bildirən ABŞ prezidenti Donald Tramp qeyd edib ki, helikopterin ekipajı kursunu dəyişməli idi, bu halda faciənin qarşısını almaq olardı. O, hərbçilərin aydın gecədə eniş üçün gələn sərnişin reysi ilə toqquşmasını niyə görməyib və ondan yayınması ilə maraqlanıb.

FTB mənbəsinin NBC telekanalına verdiyi məlumata görə, təyyarə qəzasında cinayətkar və terror təşkilatlarının əli olmayıb.

Bütün müvafiq qurumlar - Sahil Mühafizəsi, Pentaqon və FTB xilasetmə əməliyyatları və araşdırmalara cəlb edilib. Reyqan Milli Hava Limanı cümə səhərinə qədər bağlı olacaq.
“Black Hawk” helikopteri ilə Kanzasdan gələn sərnişin təyyarəsinin toqquşması ABŞ-da son 15 ildə ən böyük hava fəlakəti ola bilər.