ABŞ prezidenti Donald Tramp hesab edir ki, yanvarın 29-da eniş edən American Airlines sərnişin təyyarəsi ilə toqquşan Black Hawk hərbi helikopteri təyyarə qəzasında günahkardır. Tramp bu barədə Truth Social-da yazıb.

Tramp hesab edir ki, vertolyot həddindən artıq hündürlükdə uçurdu və icazə verilən maksimum 60 metrdən çox-çox kənara çıxdı.

Daha əvvəl bildirilmişdi ki, helikopter təsdiqlənmiş marşrutdan kənarda, olması lazım olduğundan daha yüksək hündürlükdə uçmuş ola bilər.

Qeyd edək ki, Ronald Reyqan Vaşinqton Milli Hava Limanı yaxınlığında üç hərbçinin olduğu helikopter və göyərtəsində 60 sərnişin və dörd ekipaj üzvü olan təyyarə toqquşub. Təyyarənin və helikopterin qalıqları Potomacın içərisinə düşüb. Təyyarə qəzasında heç kim sağ qalmayıb.